काठमाडौँ— नेपाल प्रिमियर लिग (एनपिएल) सिजन ३ मा काठमाडौँ गोर्खाजका तर्फबाट प्रतियोगिताकै पहिलो शतक प्रहार गर्ने खेलाडीले अस्ट्रेलिया भ्रमणको अवसर पाउने भएका छन्।
क्लाउड एजुकेसन एन्ड भिसा सर्भिसेजले एनपिएल सिजन ३ का लागि काठमाडौँ गोर्खाजसँग गरेको साझेदारीअन्तर्गत यस्तो घोषणा गरेको हो। क्लाउड एजुकेसन काठमाडौँ गोर्खाजको ‘अफिसियल अब्रोड स्टडी पार्टनर’ बनेसँगै टोलीका खेलाडीलाई प्रोत्साहन गर्ने उद्देश्यले अस्ट्रेलिया भ्रमणको अवसर उपलब्ध गराउन लागेको हो।
साझेदारी अनुसार काठमाडौँ गोर्खाजका तर्फबाट प्रतियोगितामा पहिलो शतक प्रहार गर्ने खेलाडीलाई क्लाउड एजुकेसनले अस्ट्रेलिया भ्रमणको अवसर प्रदान गर्नेछ। साथै, एनपिएल सिजन ३ भर काठमाडौँ गोर्खाजको आधिकारिक जर्सीको नन-लिडिङ आर्ममा क्लाउड एजुकेसनको लोगो रहनेछ।
क्लाउड एजुकेसन एन्ड भिसा सर्भिसेजले अस्ट्रेलियालगायत विभिन्न देशमा उच्च शिक्षा हासिल गर्न चाहने नेपाली विद्यार्थीलाई शैक्षिक परामर्श तथा भिसासम्बन्धी सेवा प्रदान गर्दै आएको छ।
