काठमाडौं- नेपाल मेडिकल काउन्सिल, बाँसबारी, काठमाडौंले ६५ औं लाइसेन्स परीक्षाको आवेदन माग गरेको छ ।
काउन्सिलले २०८० जेठ १७, १८ र १९ गते (२०२३ मे ३१ देखि जुन २ तारिख सम्म) बुधबार देखि शुक्रबार सम्म सञ्चालन हुने परीक्षाको लागि २०८० बैशाख ४ गते देखि जेठ २ गतेसम्म नियमित र जेठ ३ र ४ गते बिलम्ब शुल्क सहित www.exam.nmc.np.org मा दिईएको निर्देशन बमोजिम अनलाईन आवेदन पेश गर्न आह्वान गरेको छ । अनलाइन बाहेकको माध्यमबाट बुझाएको आवेदन फाराम र शुल्क मान्य नहुने सूचनामा उल्लेख छ ।
विदेशी कलेजमा भर्ना भै कोभिङका कारण नेपालमा इन्टर्नसीप गरिरहेका विद्यार्थीले परीक्षामा सामेल हुनका लागि इन्टर्नसीप पूरागरेको र आफु भर्ना भएको विश्विवद्यालयबाट इन्टर्नसीप सहित अन्तिम प्रमाणपत्र प्राप्त गरेको हुनुपर्ने काउन्सिलको सूचनामा उल्लेख छ ।
मेडिकल काउन्सिलद्वारा २०८० को बार्षिक कार्यतालिका सार्वजनिक
नेपाल मेडिकल काउन्सिलको २०८० सालमा लिइने परीक्षाको बार्षिक कार्यतालिका सार्वजनिक गरेको छ ।
सार्वजनिक गरिएको कार्यतालिका अनुसार स्नातक तहको दर्ता प्रमाणपत्र परीक्षा (लाइसेन्स परीक्षा) साल जेठ १७, १८ र १९ गते ६५ औं र असोज १०, ११ र १२ गते ६६ औं परीक्षा सञ्चालन गर्ने भएको छ । त्यसैगरी वर्षको अन्त्यमा माघ १७, १८ र १९ गते तेस्रो चरण वा ६७ औं परीक्षा सञ्चालन गर्ने गरी कार्यतालिका सार्वजनिक गरेको छ ।
सूचना हेर्नुहोस्
