काठमाडौँ- नेपाल विद्यालय कर्मचारी परिषद्ले बिहीबार राजधानीमा विरोध र्याली निकालेको छ। बिहान ९ बजे खुलामञ्चबाट निकालिएको र्याली माइतीघरमा पुगेर कोणसभामा परिवर्तन भएको थियो।
विद्यालयका कर्मचारीले भदौ १ गतेदेखि आन्दोलनका कार्यक्रमस्वरुप विरोध प्रदर्शन गर्दै आएका छन्। सरकारले माग सम्बोधन नगरेपछि उनीहरूले भदौ ५ गते थप आन्दोलनका कार्यक्रम सार्वजनिक गरेका थिए। परिषद् र राष्ट्रिय समितिको निर्णयबमोजिम सरकारलाई दबाब दिनका लागि र्याली निकालिएको हो। पूर्व घोषित कार्यक्रम अनुसार आयोजित र्यालीमा देशभरका १० हजार भन्दा बढी प्रतिनिधिको सहभागिता रहेको परिषद्ले जानकारी दियो ।
परिषद्ले १० र ११ गते डिजिटल आन्दोलन, १२ गतेदेखि १८ गतेसम्म एकहप्ता सामुदायिक विद्यालय बन्द गर्ने र १९ गते काठमाडौँ बृहत् प्रर्दशन गर्ने तयारी गरेको छ।
प्रतिक्रिया
सम्बन्धित समाचार
