काठमाडौँ- काठमाडौँको चाबहिलमा रहेको विनायक सिद्ध कलेजले भि. एस डान्सिङ स्टार सिजन २ को आयोजना गरेको छ। कलेजले एक सूचना जारी गर्दै कलेजकै डान्स हलमा २०७८/०५/०५ गते बिहान ७:३० बजेपछि आयोजना हुने कार्यक्रममा सक्रिय सहभागिता जनाउनका लागि आफ्ना विद्यार्थीहरूलाई आग्रह गरेको छ।
विनायक सिद्ध कलेजका विद्यार्थीहरूले यो लिङ्कमा (https://forms.gle/iwbKGwW1KU8ewxdd8) रहेको फर्म भरेर सहभागिता जनाउन सक्नेछन्। कार्यक्रममा निर्णायकको रूपमा नृत्यको क्षेत्रमा स्थापित हस्तीहरूलाई कलेजले छनोट गरेको छ ।वरिष्ठ नृत्य निर्देशक महेश गोदार, नृत्य निर्देशक सङ्घ भक्तपुर जिल्ला अध्यक्ष चूडामणि फुयाँल र नृत्य निर्देशक दिवस गिरीले विद्यार्थीहरूको प्रतिभाको मूल्याङ्कन गर्नेछन् ।
कलेजले विजयी हुने विद्यार्थीहरूलाई प्रोत्साहन गर्नका लागि पुरस्कारको पनि व्यवस्था गरेको छ। कार्यक्रममा प्रथम हुने विद्यार्थीले नगद रु ३००० मेडल र प्रमाणपत्र प्राप्त गर्नेछ। त्यस्तै दोस्रो स्थान हासिल गर्नेले रु २००० मेडल र प्रमाणपत्र प्राप्त गर्नेछ भने तेस्रो हुनेले रु १००० मेडल र प्रमाणपत्र प्राप्त गर्नेछन् ।
विद्यार्थीहरूको शैक्षिक गुणस्तर अविबृद्धीका साथै उनीहरूको सर्वाङ्गीण विकासका लागि सधैँ सजग रहेको कलेजले उक्त उद्देश्य प्राप्तिका लागि कार्यक्रमको आयोजना गरेको क्याम्पस प्रमुख रामकृष्ण सिम्खडा बताउँछन् । यस किसिमका कार्यक्रमहरूले विद्यार्थीहरूमा अन्तर्निहित प्रतिभा प्रस्फुटन हुने र क्रमशः त्यसलाई विकास गर्न सकिने विश्वास कलेजले लिएको छ।
