काठमाडौँ- सरकार र आन्दोलनरत नेपाल शिक्षक महासंघबीच शिक्षा मन्त्रालयमा सम्पन्न वार्ता सहमति नजिक पुगेको छ । बैठकमा सहभागी एक सदस्यका अनुसार केही प्राविधिक विषय बाहेक अधिकांश बुँदामा सहमति बनेको छ ।
शिक्षक महासंघले विद्यालय कर्मचारी र ईसीडी शिक्षकको तलब, सामाजिक सुरक्षा कोष, दुर्गम भत्ता, ग्रेड समायोजन, तलब समानता, राहत र निजी विद्यालय शिक्षकको विषयमा मन्त्रिपरिषद्बाट निर्णयको माग गर्दै ९ बुँदे प्रस्ताव पेस गरेको थियो ।
सहमति सुनिश्चित गर्न सत्तारुढ दलका प्रमुख सचेतकहरू समेत वार्तामा सहभागी छन् । एमाले प्रमुख सचेतक महेश बर्तौलाले वार्ता सकारात्मक रहेको बताएका छन् । सहमतिको टुंगो लगाउन मन्त्रिपरिषद् बैठक अहिले बसिरहेको छ ।
प्रतिक्रिया
सम्बन्धित समाचार
